بعد اعتذاره.. نيللي كريم لـ باسم سمرة: «حصل خير يا عبد المجيد»

حرصت الفنانة نيللي كريم، على قبول اعتذار الفنان باسم سمرة، بعد تصريحاته الأخيرة عنها في برنامج رامز جاب من الأخر، والذي عرض ضمن برامج رمضان 2024.

ونشرت نيللي كريم، اعتذار باسم سمرة لها، على صفحتها الرسمية بموقع انستجرام، عبر خاصية استوري، وكتبت قائلة: «حصل خير يا عبد المجيد، أنا عارفة إن قلبك أبيض.. خصوصًا عمر ما كان بينا غير كل خير».

وجه الفنان باسم سرة الإعتذار إلى الفنانة نيللي كريم، بعد تصريحاته الأخيرة عنها في برنامج رامز جاب من الأخر، والذي عرض ضمن برامج رمضان 2024.

وأوضح باسم سمرة، في تصريحات تليفزيونية، قائلاً: «نيللي كريم ددي أختي حبيبتي، الكلام مكنش على مسلسل الكلام كان على فيلم، واللي قالي أنها عايزة تجيب جوزها المنتج، وعرفت بعد كده أنه بيحب ينقل كلام ويوقع بين الناس، معرفش هو بيستفاد ايه؟، رغم أنه منتج مهم».

وأضاف باسم سمرة قائلاً: «انا بعتذر لـ نيللي كريم وبقولها أنتي أختي حبيبتي، وأنا كمان بتعلم تمثيل، بتعلم من نيللي، وبتعلم من السقا، بتعلم من طارق لطفي، أنا بعتذرلك على الهواء».

وأشار باسم سمرة إلى أن هشام عاشور زوج نيللي كريم، كان راقيًا في عتابه، قائلاً: «هو زعل من رامز مش منّي،؛ لأني قاعد ومش عارف أنه بيصور، ورامز ضحك عليا وقالي برنامج حواري جريء، وسألني في حاجات وأنا بتكلم عادي».

تصريحات باسم سمرة ضد نيللي كريم

يذكر أن باسم سمرة، تحدث خلال حلوله ضيفاً على برنامج «رامز جاب من الآخر»، قائلاً: «كان في دور وأنا كنت فرحان أوي إننا هنشتغل راحت جايبة جوزها.. هو بطل اسكواش واتجوزها وعايز يمثل».